Tryggvi Snær með frábæran leik gegn Sviss í gær

0
146
Tryggvi og NBA stjarnan Capela tókust oft á undir körfunni og hafði Tryggvi betur í þeirri baráttu. Mynd: Karfan.is

Íslenska landsliðið í körfubolta lék sinn annan leik í forkeppni Eurobasket 2021 í gær þegar liðið mætti Sviss í Laugardalshöll. Tryggvi Snær Hlinason átti frábæran leik og endaði með 18 stig og 7 fráköst. Ísland vann leikinn með einu stigi 83-82. Frá þessu segir á vefnum Karfan.is

Leikurinn var tiltölulega jafn allan leikinn en Sviss var nánast allan leikinn skrefinu framar Íslandi. Að lokum fór svo að Martin Hermannsson setti sigurkörfuna með örfá sekúndubrot eftir af leiknum. Jón Axel Guðmundsson var einnig drjúgur með 18 stig. Pavel Ermolinski var þó besti maður Ísland en hann var gríðarlega öflugur á báðum endum vallarins.

Tryggvi Snær Hlynason. Capela í baksýn. Mynd: Karfan.is

NBA stjarnan Clint Capela lék með Sviss í dag og var sterkur með 13 stig og 7 fráköst og var athyglisvert að fylgjast með baráttu hans og Tryggva Snæs undir körfunni. Mál manna er að Tryggvi hafi haft betur í þeirri baráttu. Tölfræði leiksins má skoða hér. 

Næsti leikur Ísland er heimaleikur gegn Portúgal eftir nákvæmlega viku í Laugardalshöllinni.

Tryggvi Snær klár í leik. Mynd: Ingi Þór Halldórsson