Tónleikar með sönglögum úr heftinu Þrá eftir Maríu Elísabet Jónsdóttur frá Grenjaðarstað

0
158

Tónleikar með sönglögum úr heftinu Þrá eftir Maríu Elísabet Jónsdóttur frá Grenjaðarstað verða haldnir í safnaðarheimilinu á Grenjaðarstað mánudaginn 19. júní klukkan 20 og í Hlöðunni í Litla Garði á Akureyri miðvikudaginn 21. júní klukkan 20.

Flytjendur eru Fanney Kristjáns Snjólaugardóttir, söngur og Helga Kvam, píanó. Þrá er fyrsta sönglagahefti sem kemur út á Íslandi eftir kventónskáld. Aðgangur er ókeypis og eru allir velkomnir.

María Elísabet Jónsdóttir fæddist 1869 og er fyrst kvenna á Íslandi til að fá tónverk
birt á prenti, sönglag hennar Farfuglarnir birtist í Óðni 1915. María Elísabet var prestfrú á
Grenjarstað, stjórnaði þar kirkjukór og lék á orgel.

Hún samdi nokkur sönglög sem komu út í litlu hefti undir titlinum Þrá árið 1949 þar sem Árni Björnsson útsetti píanóundirleik við lögin, 4 árum eftir andlát hennar. Þrá er fyrsta sönglagahefti sem kemur út á Íslandi eftir kventónskáld, þar sem María Elísabet semur lög við texta Huldu, Davíðs Stefánssonar, Jóns frá Hrafnagili og Páls J. Árdal.

Fanney Kristjáns Snjólaugardóttir, söngkona og Helga Kvam, píanóleikari hafa unnið með
útsetningar Árna og bætt við sínum eigin. Dagskráin verður í tali og tónum, þar sem líf og
störf Maríu Elísabetar eru kynnt á stuttri kvöldstund.

Tónleikar verða í safnaðarheimilinu á Grenjaðarstað á degi réttindabaráttu kvenna,
mánudaginn 19. júní klukkan 20:00 og í Hlöðunni í Litla Garði á Akureyri fmiðvikudaginn
21. júní klukkan 20:00.

Tónleikarnir eru styrktir af Norðurorku, Akureyrarstofu og Uppbyggingarsjóði
Norðurlands eystra.