Samþykkt að miða laun sveitarstjórnarfulltrúa við 8% af Þingfararkaupi í stað 10%

0
140

Á 207. fundi sveitarstjórnar Þingeyjarsveitar sem haldinn var í dag var ákvörðun Kjararáðs um hækkun þingfararkaups tekin til umræðu öðru sinni, en fyrri umræða fór fram á fundi sveitarstjórnar þann 17. nóvember sl. Oddviti lagði fram eftirfarandi tillögu:

Greiðslur fyrir setu í sveitarstjórn og í nefndum á vegum sveitarfélagsins verði áfram hlutfall af þingfararkaupi en í ljósi þeirra hækkana sem orðið hafa á þingfararkaupi samþykkir sveitarstjórn Þingeyjarsveitar að lækka núverandi hlutfall fyrir setu í sveitarstjórn úr 10% í 8% og greiðslur til oddvita úr 15% í 12%, samsvarandi breyting verði á greiðslum fyrir nefndastörf og fundasetu á vegum sveitarfélagsins.

Við þessa breytingu munu þessar greiðslur hækka að meðaltali um 15,47%  í stað 44% hækkunar.

Samþykkt með fimm atkvæðum, Ragnar Bjarnason sat hjá. (Einn sveitarstjórnarfulltrúi boðaði forföll á fundinum)

Fundargerðina má skoða hér