Slökkvilið Norðurþings eflist með PCC BakkiSilicon

0
104
Nýlega var skrifað var undir samstarfssamning Norðurþings og PCC Bakki Silicon hf. í stjórsýsluhúsi Norðurþings þar sem Kristín Anna Hreinsdóttir fjármálastjóri PCC og Kristján Þór Magnússon sveitastjóri Norðurþings staðfestu samninginn með undirritun sinni.

Sveitarfélagið Norðurþing hefur skrifað undir viðamikinn samstarfssamning við PCC BakkiSilicon sem felur í sér að PCC mun nýta þá fjármuni, sem að óbreyttu hefðu farið í stofnfjárfestingu á búnaði fyrir eigin brunavarnir á starfssvæði sínu á Bakka og þjálfun tilheyrandi mannskaps, til að styrkja starfsemi og starfsgetu slökkviliðsins á Húsavík sem nýst geti nærsamfélaginu öllu. Samningurinn er til þriggja ára með mögulegri framlengingu um tvö ár. 

Þannig mun samningurinn gera Norðurþingi auðveldara fyrir að ráða slökkviliðsmenn í fullt starf til viðbótar þeim sem fyrir eru hjá liðinu. Að auki gefur PCC slökkviliðinu nýja Mercedes Bens bifreið í samvinu við Öskju, umboðsaðila Mercedes Bens á Ísandi, sem sveitarfélagið mun taka við og hanna og smíða til samræmis við þarfir slökkviliðisins um nýja neyðarbifreið.

Byggjum ofan á núverandi reynslu

„Við teljum að samningurinn sé mjög góður fyrir báða aðila,“ segir Hafsteinn Viktorsson, forstjóri PCC Bakki Silicon. „Bæði leiðir þetta til þess að starfsemi slökkviliðsins á Húsavík eflist en það þjónar ekki bara þéttbýlinu á staðnum heldur einnig dreifbýlinu í kring. Í raun erum við að fjárfesta í þekkingu og reynslu starfandi slökkviliðs og byggja ofan á það í stað þess að stofna nýtt teymi á eigin vegum sem eingöngu myndi nýtast á starfssvæðinu hjá okkur. Þannig að við erum mjög ánægð með þennan samning,“ segir Hafsteinn.

Ný slökkvistöð í bígerð

Kristján Þór Magnússon, sveitarstjóri Norðurþings tekur í sama streng. „Þetta er ánægjuleg niðurstaða sem gerir mögulegt að bæta þjónustu slökkviliðsins í sveitarfélaginu. Jafnframt hyggur sveitarfélagið á byggingu nýrrar slökkvistöðvar á Húsavík sem tekin verður í gagnið haustið 2018. Hún verður ekki síður mikil lyftistöng fyrir liðið sem og íbúa og fyrirtæki á svæðinu,“ segir Kristján Þór.