Samstarfssamningur um rekstur námsvers á Laugum

0
37

Þekkingarnet Þingeyinga undirritaði nýverið samstarfssamning við Seiglu-þekkingarsetur á Laugum í Reykjadal. Um er að ræða samstarf um rekstur námsvers og námsþjónustu á Laugum í nýstandsettu húsnæði Seiglu-þekkingarseturs. Seigla er verkefni sem Þingeyjarsveit stofnsetti á síðasta ári og miðar að því að mynda klasa þekkingar- og menningarstarfsemi í húsnæði Seiglu. Í húsinu er nú rekið bókasafn Reykdæla og hýst verkefnið Urðarbrunnur ásamt skrifstofuleigu til nokkurra aðila. Þá er í húsinu aðstaða til ýmis konar starfsemi annarrar, t.a.m. listsköpunar og verklegrar kennslu. Frá þessu segir á vef Þekkinganets Þingeyinga

Aníta Guttesen og Óli Halldórsson
Aníta Guttesen og Óli Halldórsson

 

Þekkingarnetið rekur námsver með vinnuaðstöðu fyrir fjarnema á sólarhringsvísu í Seiglu ásamt því að hafa innréttað kennslustofu með fjarfundabúnaði og tilheyrandi græjum.  Þekkingarnetið hefur alllengi verið með starfsstöð á Laugum, en með þessari breytingu batnar hún verulega. Það er vonandi að námsfólk á öllum stigum, sem búsett er á Laugum og í nágrenni, nýti sér aðstöðuna og þjónustuna.

hac.is