Nýr sparisjóðsstjóri hjá Sparisjóði Suður – Þingeyinga

0
115

Anna Karen Arnarsdóttir hefur verið ráðinn sparisjóðsstjóri hjá Sparisjóði Suður-Þingeyinga og mun hefja störf 13. janúar nk. Þetta kemur fram í fréttatilkynningu frá Sparisjóðnum í dag.

Anna Karen Arnarsdóttir
Anna Karen Arnarsdóttir

Anna Karen er viðskiptafræðingur með MSc í fjármálum og stjórnun frá Viðskiptaháskólanum í Kaupmannahöfn og BSc í viðskiptafræði frá sama skóla. Auk þess hefur hún lokið iðnrekstrarfræði frá Tækniskóla Íslands.
Anna Karen hefur síðustu sex ár starfað hjá Seðlabanka Íslands, lengst af í markaðsviðskiptum og fjárstýringu.
Anna Karen er fædd á Húsavík en fluttist þaðan tveggja ára. Maki hennar er Kári Marís Guðmundsson, verkfræðingur og eiga þau þrjú börn.