Nýjung hjá Fjallalambi – Upprunamerktar afurðir að koma á markað

0
106

Fjallalamb á Kópaskeri stígur nú stórt skref í upprunamerkingu, en upprunamerktar nýjar afurðir eru nú að fara út á markað í dag og eftir helgi. Eigendur snjallsíma sem ætla að kaupa vörur frá Fjallalambi geta nú skannað uppruna vörunnar í búðinni og fengið allar upplýsingar um bónda og býli. Á hverri síðu bónda eru einnig ýmsar upplýsingar um hvern og einn framleiðanda. Í hvaða verkefnum er bóndinn, afurðir síðasta árs, upplýsingar um jörðina ,myndagallerí og margt fleira. Frá þessu segir á vef Fjallalambs.

Upprunamerking Fjallalambs
Upprunamerking Fjallalambs

Fjallalamb hefur fram til þessa selt 1/2 skrokka í kassa sem eru merktir framleiðenda. Á þessum kassa er framleiðendanúmer. Þessu frameiðendanúmeri hefur svo verið hægt að fletta upp á heimasíðunni okkar.

Nú stígum við skrefinu lengra og erum búin að uppfæra alla heimasíðuna þar sem hver bóndi er með sína síðu. Heimasíðan er snjallsímavæn þannig að mjög auðvelt er fyrir notendur snjallsíma að fara inn á hana, segir á vef Fjallalambs.

Fyrir þá sem ekki eru með snjallsíma er hægt að lesa framleiðendanúmerið á miðanum og fletta upp á því á heimasíðunni undir upprunamerkingu. Númer innleggjenda, sem eru hátt í 50 talsins eru í röð á heimasíðunni.  Frekari upplýsingar um hvernig þetta er gert eru hér.

Fjallalamb - bæir
Skjáskot af vef Fjallalambs. Þar er hægt að skoða nánari upplýsingar um hvern framleiðanda

Til að byrja með þá verða til sölu heil og hálf læri, heilir og hálfir hryggir, frampartur grillsagður og frampartur súpusagaður. Þessar vörur munu fást í flestum Krónubúðunum og verslunum Iceland til að byrja með. Fjallalamb.is