Norðlenska kaupir húseignir Vísis á Húsavík

0
67

Norðlenska hefur keypt húseignir útgerðarfélagsins Vísis  við Hafnarstétt 25-31 og Hafnarstétt 33 á Húsavík, alls um 5 þúsund fermetra. Í húsunum var vinnslusalur Vísis, frystigeymslur, skrifstofur, gistiheimili og geymslur.

Frá undirritun samningsins í dag. Mynd af vef Norðlenska.
Frá undirritun samningsins í dag. Mynd af vef Norðlenska.

Norðlenska er með öfluga starfsemi á Húsavík. „Okkur hefur vantað meira frystipláss og eignumst nú  stóra og góða frysta við Hafnarstétt. Við sjáum ýmis önnur tækifæri með kaupum á húsnæðinu en ekkert verður þó ákveðið strax í þeim efnum,“ segir Sigmundur Einar Ófeigsson, framkvæmdastjóri Norðlenska.

Það voru Heiðrún Jónsdóttir, stjórnarformaður Norðlenska, og Pétur Hafsteinn Pálsson, framkvæmdastjóri Vísis, sem undirrituðu samninginn.

Fyrir einu og hálfu ári keypti Norðlenska hús við Suðurgarð 2 á Húsavík af Vísi en þar er starfsemi dótturfyrirtækis Norðlenska, Icelandic Byproducts.

Norðlenska.is