Fjögurra skóga hlaupið fór fram í þriðja sinn, laugardaginn 27. júlí í mjög góðu veðri, hitinn var vel yfir 20° og sólskin, og eins og þau sem til þekkja, verður algert logn inni í skógi. Eiginlega má segja að veðrið hafi verið of gott, alla vega fyrir hlauparana, drykkjarstöðvar voru því nokkuð þétt og veitti ekki af. Það tekur á, að hlaupa í svona miklum hita og uppgufun er mikil. Hlaupaleiðin er um Reykjaskóg, Þórðarstaðaskóg, Lundsskóg og Vaglaskóg. Þátttakendur voru alls 92, sem er met þátttaka.
Menn voru mjög ánægðir með daginn, bæði keppendur og mótshaldarar, en keppendur komu víða að og sjá mátti mörg sömu andlitin frá fyrri hlaupum, segir Ósk Helgadóttir einn af skipuleggjendum hlaupsins “þetta fjögurra skóga hlaup er svo sannarlega komið til að vera” . Þorbergur Ingi sem vann 30,6 km hlaup karla, er mikill hlaupari og hafði mikla yfirburð, hann var heilum 20 mín. á undan næsta manni.
Þátttakendur greiða keppnisgjald, inni í því er akstur á upphafsstaði, drykkir á stöðvum, tímataka, verðlaun fyrir fyrstu 3 sætin, auk þátttökupenings, öryggisgæsla er á leiðinni, eftir hlaup er svo öllum boðið uppá ávexti, kakó og kleinur. Það er Björgunarsveitin Þingey sem stendur að hlaupinu og fer ágóðinn til tækjakaupa.
Úrslit urðu sem hér segir:
30.6 km: karlar
02:00:36 Þorbergur Ingi Aðalsteinsson
02:20:55 Þórir Magnússon
02:24:47 Sævar Helgason
30.6 km: konur:
2:52:55 Bryndís María Davíðsdóttir
3:06:55 Hlín Hjartar Magnúsdóttir
3:07:02 Daldís Ýr Guðmundsóttir
17.6 km: karlar
01:19:39 Stefán Viðar Sigtryggsson
01:26:46 Andri Steindórsson
01:29:14 Gísli P. Reynisson
17.6 km: konur
01:30:05 Guðrún Arngrímsdóttir
01:31:11 Ólöf L. Sigurðardóttir
01:34:31 Rakel Káradóttir
10.3 km : karlar
00:45:20 Baldvin Þór Magnússon, er aðeins 14 ára.
00:47:18 Bogi Ragnarsson
00:50:32 Ingólfur Freyr Guðmundsson
10.3 km : konur
00:53:25 Edda Steingrímsdóttir
00:55:53 Hrafnhildur Tryggvadóttir
00:57:25 Kristín H. Reynisdóttir.
Nánast allir vinningar voru gefnir af einstaklingum og fyrirtækjum úr Þingeyjarsýslu “allir tóku okkur mjög vel, og voru boðnir og búnir að leggja okkur lið” sagði Ósk, hún vill koma á framfæri kæru þakklæti til allra sem lögðu hönd á plóginn og styrktu þetta verkefni. Hún sagði jafnframt að ungliðadeild Björgunarsveitarinnar, sem eru unglingar á aldrinum 14 -16 ára, hefðu staðið sig með stakri prýði, veitt ómetanlega hjálp og verið til mikillar fyrirmyndar.
myndirnar tók Jónas Reynir Helgason.
