Leikhópurinn Hrafnstjarna sýnir leikritið Þingeyingur

0
63

Leikhópurinn Hrafnstjarna sýnir leikritið Þingeyingur! – Glænýtt gamanverk í einum þætti unnið upp úr ,,Sönnum lygasögum Þingeyinga” sem Jóhannes Sigurjónsson tók saman.

Leikhópurinn Hrafnstjarna
Leikhópurinn Hrafnstjarna

Þrír leikarar, leikstjórar og Þingeyingar mynda leikhópinn Hrafnstjarna sem að setur upp sýninguna Þingeyingur! í lok ágúst, en verkið er unnið með styrk frá Aftur heim. Jenný Lára Arnórsdóttir, Vala Fannell og Hjalti Rúnar Jónsson eru öll ættuð frá Hömrum í Þingeyjarsveit í Suður-Þingeyjarsýslu og þau hafa undanfarin misseri unnið að sýningu sem að kannar hvað það þýðir að vera Þingeyingur. Þar sem þeir eru þekktir fyrir ástríðu, ósérhlýfni, skopskyn og stolt, er mikilvægt að spyrja; hvað er satt og hverju er logið þegar kemur að þessum höfuðpaurum norðurlandsins?

Verkið einkennist af léttu skopi, söng og gleði, og hlakkar leikhópurinn til að færa öðrum Þingeyingum þá sjálfa á góðlátlegu skemmtifati í lok ágúst.

Aftur heim er þróunarverkefni sem hefur það að markmiði að efla tengsl við brottflutta unga listamenn úr Þingeyjarsýslum. Umsækjendur geta verið einstaklingar á aldrinum 20-35 ára, eiga rætur í Þingeyjarsýslu sem stunda eða hafa lokið listnámi sem lýkur með formlegri prófgráðu. Markmiðið með verkefninu er að gefa þeim tækifæri til að snúa aftur heim til að framkvæma eða taka þátt í menningarverkefnum í heimabyggð.

Sýningar eru eftirfarandi:

Sólvangur á Tjörnes – Sunnudaginn 28. Ágúst kl.16:00

Samkomuhúsið á Húsavík – Sunnudaginn 28. Ágúst kl. 20:00

Breiðamýri í Þingeyjarsveit – Mánudaginn 29. Ágúst kl. 20:00

Frekari upplýsingar um verkið, hópinn og miðapantanir má finna á facebook.com/hrafnstjarna

Jenný Lára Arnórsdóttir – 8476921

Vala Fannell – 8476925

Hjalti Rúnar Jónsson – 7754005