Gott veður undanfarna daga hefur orðið til þess að sumir bændur hafa haft
kýr sínar úti þar sem enn er til grænfóður eða önnur beit.
Á sumum bæjum hafa kýr staðið inni í meira en mánuð, sérstaklega
í innsveitum þar sem hretið var verst og sumsstaðar eyðilagðist grænfóður.
Kýrnar á Laxamýri.
Búast má við kaldari dögum á næstunni ef marka má veðurspár og þá er
líklegt að kýr fari á innistöðu, en sjaldgæft er að kýr í Suður-Þingeyjarsýslu séu
úti eftir 20.okt.
Á myndunum má sjá kýr á Laxamýri í grænfóðri nú um helgina, en þar gæða
kýrnar sér á vetrarrepju og höfrum á haustin. Eins og sjá má eru hafrarnir
orðnir vel sprottnir, en samt góðir á bragðið.
; ?>)
; ?>)
; ?>)
; ?>)
; ?>)
; ?>)
