Hrútaskráin er komin út

0
101

Hrútaskrá sauðfjársæðingastöðvanna fyrir 2016-2017 er komin á vefinn. Skráin er á hefðbundnu pdf-formi og hægt er nálgast hana hér. Við vonum að sauðfjárræktendur og aðrir áhugamenn um sauðfjárrækt njóti lesningarinnar þar til prentaða útgáfan kemur út í byrjun næstu viku, segir á vef Ráðgjafamiðstöðvar Landbúnaðarins

hrutaskrain-206-17
Hrútaskráin 2016-17

Skráin er 52 síður að stærð, litprentuð í A4-broti og inniheldur upplýsingar um 48 hrúta sem notaðir verða til sæðinga í vetur. Hrútakosturinn er að venju gríðarlega öflugur, blanda af reynsluboltum sæðingastöðvanna og yngri kappa sem hafa nú hafið sinn fyrsta vetur á sæðingastöðvunum.

Ritstjóri skráarinnar er Guðmundur Jóhannesson en efni skráarinnar er að mestu tekið saman og skrifað af Eyjólfi I. Bjarnasyni, Eyþóri Einarssyni og Lárusi G. Birgissyni. Flestar ljósmyndir í skránni eru teknar af Höllu Eyglóu Sveinsdóttur.

Hér með er þökkum til þessara aðila og fjölmargra annarra er lögðu hönd á plóg komið á framfæri. rml.is

 

Þess má geta að Hrútaskráin 2016-17 verður kynnt fyrir bændum á Breiðumýri, þriðjudagskvöldið 29. nóvember nk. kl 20:00.

Hrútaskráin 2016-17