Botnsvatnshlaup hlaupahópsins Skokka

0
157

Það styttist óðum í að Landsmót 50+ verði haldið á Húsavík en það fer fram helgina 20-22 júní. Einn af viðburðum Landsmóts 50+ er Botnsvatnshlaupið en það er opið fyrir allan aldur. Hlaupið fer fram laugardaginn 21. júní og hefst kl. 9:00. Botnsvatn er einn af útivistarstöðum Húsvíkinga og þar er að finna fallega fjölbreytta náttúru og dýralíf.

Smella á til að skoða stærra kort
Smella á til að skoða stærra kort

Leiðin


•7,6 km. leiðin hefst við norðvestanvert Botnsvatn, farinn er einn hringur umhverfis vatnið, rangsælis og síðan niður stíginn meðfram Búðará og niður í Skrúðgarðinn þar sem endamarkið er. Drykkjarstöð er eftir 5 km. leið.


Hlaupið er opið öllum hvort sem þeir eru 50+ eða ekki. Sérstök verðlaun verða veitt þremur efstu í karla og kvennaflokki og þremur efstu í karla og kvennaflokki 50 ára og eldri.

 

Allir þurfa að skrá sig í hlaupið inn á www.umfi.is