Blakfréttir úr héraði

0
124

Fimm lið af félagasvæði HSÞ tóku þátt í Íslandsmótum BLÍ í vetur. Völsungar hafa teflt fram sterku liði í Mizunodeild kvenna og varð liðið í 4. sæti í deildakeppninni, aðeins einu stigi frá þriðja sætinu. Þeirra bíða nú leikir í umspili um sæti í úrslitakeppninni sjálfri. Völsungar tóku einnig þátt í 1. deild karla en náðu því miður ekki flugi í vetur. Frá þessu segir á facebooksíðu HSÞ

Blanda af unglingum og körlum spreyttu sig í 3. deild undir merkjum Eflingar-Laugaskóla, góður lærdómur fyrir unga drengi. B-lið Völsungs spilaði í 3. deild kvenna og var í efsta sæti að undankeppninni lokinni, þær náðu því miður ekki að fylgja árangrinum eftir í úrslitunum og urðu í 4. sæti og aðeins einu stigi frá 3. sætinu.

Að lokum spilaði sameiginlegt lið kvenna úr nokkrum aðildarfélögum HSÞ undir merkjum HSÞ í 5. deildinni og gerðu sér lítið fyrir og unnu deildina með glæsibrag, án þess að tapa leik.

Þingeyingar mega vera stoltir af blakmenningunni í héraðinu.