Ákall til Þingeyinga vegna endurnýjunar á hjartaþolstæki

0
32

Á Húsavík hafa verið gerð hjartaþolpróf lengi og frá 2004 verið notað tæki sem Lionsklúbbur Húsavíkur, mörg kvenfélög, Kveðandi, Styrktarfélag HÞ ofl söfnuðu fyrir og gáfu eftir góða söfnun.

Hallgrímur og Anna Kristrún við tækið. Lj. 640.is
Hallgrímur og Anna Kristrún við tækið. Lj. 640.is

Nú er svo komið að það tæki er ónýtt orðið og komin þörf á endurnýjun þess.  Það hefur gagnast Þingeyingum vel þessi ár en rík þörf er á að geta metið brjóstverki að nokkru leyti áfram í heimabyggð og eins gagnast það fyrir mat í HL leikfimi. Því leitum við liðsinnis ykkar Þingeyingar góðir enn á ný til endurnýjunar á mikilvægum búnaði.

Auður Gunnarsdóttir, Anna Kristrún Sigmarsdóttir, Hallgrímur Hreiðarsson.

Þeir sem vilja leggja þessu verkefni lið geta lagt inn á reikning styrktarfélagsins:

Banka- og reikningsnúmer: 1110-26-1060

Kennitala félagsins: 520296-2479

 

Við hjartaþolplróf (oft líka nefnt álags- eða áreynslupróf) er tekið hjartalínurit í hvílu og við áreynslu. Einstaklingurinn er látinn erfiða á þrekhjóli og er tengdur við sérstakt hjartalínuritstæki og tölvu meðan á áreynslu stendur og einnig í hvíld á eftir áreynslunni. Blóðþrýstingur er einnig mældur endurtekið meðan á áreynslu stendur.

Rannsóknin gefur upplýsingar um hvernig hjartað starfar undir álagi. Einnig fást upplýsingar um blóðþrýsting og lungnastarfsemi. Ákveðnar breytingar í hjartalínuritinu við álag geta bent til þess að blóðflæðii sé skert í kransæðum. Algengast er að hjartaálagspróf sé gert til þess að athuga hvort merki eru um kransæðasjúkdóm, td. hjá fólki með brjóstverki. Ef slík merki koma fram er oft mælt með kransæðamyndatöku (þræðingu) í framhaldinu.

Frétt um það þegar eldra tæki var afhent 2004

 

DEILA
Fyrri greinHrútaskráin er komin út
Næsta greinFjörug og falleg