Yfirlýsing vegna moksturs milli Egilsstaða og Mývatnssveitar

0
10

Markaðsstofa Norðurlands, Ferðamálasamtök Þingeyjarsveitar, Húsavíkurstofa, Mývatnsstofa ehf og Markaðssvið Austurbrúar lýsa yfir áhyggjum af og mótmæla því að snjómokstri milli Egilsstaða og Mývatnssveitar skulu hafa verið fækkað niður í tvo daga á viku.

Vegurinn neðan Kiðagils. Talsverður ruðningur er komin meðfram veginum. Mynd: María Sigurðardóttir
Ný mokaður vegur

Ferðamennska um landið hefur farið vaxandi yfir vetrartímann og ljóst er að góðar samgöngur spila mikilvægt hlutverk í uppbyggingu ferðamannastaða og ferðaþjónustu. Því er nauðsynlegt að bregðast við sem fyrst, þar sem að ekki er hægt að selja Ísland allt árið ef grunnþjónustan eins og snjómokstur
er ekki til staðar. Enginn ætlast til að vegir séu opnaðir í vitlausu veðri en um leið og það gengur niður er sjálfsagt að opna veginn.

Við lýsum áhyggjum yfir þeim farvegi sem þessi mál virðast vera að fara í og skorum á stjórnvöld að hefjast nú þegar handa við að finna lausn á þessu máli, sem verði öllum til hagsbóta.

 
Markaðsstofa Norðurlands
Ferðamálasamtök Þingeyjarsveitar
Húsavíkurstofa
Mývatnsstofa ehf
Markaðssvið Austurbrúar