Veðurstofna varar við vonsku veðri

0
43

Veðurstofan varar við norðan vonskuveðri á öllu landinu næstu tvo sólarhringa. Búast má við norðanstormi með vindhraða á bilinu 20 til 28 metrum á sekúndu um allt land og mjög hvassar vindhviður, allt að 55 metrum á sekúndu, við fjöll, einkum á Sunnanverðu landinu frá Snæfellsnesi til Austfarða.

Mynd: Finnur Baldursson.

Spáð er talsverðri ofankomu á Norður og Austurlandi á morgun.

Ekkert ferðaveður verður næstu tvo sólarhringa, en veður gengur niður seinni part laugardags. Fólk er því beðið um að fylgjast vel með veðurspám.

 

Í norðanáttinni má reikna með miklum áhlaðanda sjávar og að ölduhæð geti náð 11 metrum norður og austur af landinu. Því eru menn hvattir til að huga að bátum í höfnum og hafa í huga að ísing getur myndast og hlaðist á báta á skömmum tíma.