Veðurfar í mars verður svipað og í febrúar

0
28

Veðurfar í mars verður milt, svipað og í febrúar. Þar sem dag fer að lengja, má búast við sólarglennum af og til í mars. Þremur draumum klúbbfélaga ber saman um að veður í marsmánuði verður milt,“ segir í tilkynningu, en fundur var haldinn í Veðurklúbbi Dalbæjar á Dalvík í fyrradag.

Í Aðaldalshrauni
Í Aðaldalshrauni

Farið var yfir veðurfar í febrúar og voru klúbbfélagar mjög svo sáttir við hvernig spáin gekk eftir.

„Nýtt tungl kviknaði þann 1. mars í austri og síðara tungl  í mars mun kvikna þann 30. í vestri. Fyrra tunglið er laugardagstungl og það síðara sunnudagstungl og boðar það gott“.