Veðrið færist áfram í vestur

0
15

Veðurstofan hefur gefið út nýja fréttatilkynningu vegna væntanlegs illviðris í lok vikunnar.  Dálítilar breytingar hafa orðið á þessari spá miðað við samskonar spár gærdagsins. Þessar eru helstar:

Spáin fyrir nk. laugardag. Skjáskot af veður.is
Spáin fyrir nk. laugardag. Skjáskot af veður.is

1. Helst er að vindstrengurinn hefur færst enn vestar. Hvassast verður á Vestfjörðum og eins er gert ráð fyrir hvassri NV-átt inn Breiðafjörð og Faxaflóa og síðan hvessir N- og NV-lands um nóttina. Hins vegar mun snjókoman og slyddan falla áfram á Vestfjörðum og á NV-landi ( Minni líkur á að slydda og snjókoma nái alla leið suður nema ef vera skyldi á fjallvegi SV- og V-lands).

2. NA-land sleppur ennþá sæmilega við versta veðrið þar sem áttin verður vestlægari og eins er útlit fyrir að úrkoman verði ekki eins mikil og á NV-landi og Vestfjörðum.

Ofantalin atriði munu skýrast betur þegar nær dregur og geta enn þróast á báða vegu, enda ber spám ekki algerlega saman um hver þróunin verður og litlar breytingar geta valdið miklum breytingum eftir landshlutum.

Um er að ræða óveðurslægð sem spáð er að dýpki mjög hratt en óvissa í braut lægðarinnar veldur óvissu um það í hvaða landshluta veðrið verður verst. Ennþá er full ástæða fyrir íbúa á norðan- og vestanverðu landinu að vera við öllu búnir.

Hér er tilkynningin í heild og gildandi veðurspá.