Vaðlaheiðargöng orðin 1.137 metrar

0
9

Vaðlaheiðargöng lengdust um 47 metra í síðustu viku sem telst vera fín afköst í ljós þess að fyrri hluti vikunar fór mikill tími í að fara í gegnum sprungu. Það náðist meðal annars að sprengja 3 heila færur á sama sólarhringnum. Úr stafni lekur ca. 18 l/sek af 13°C heitu vatni. Heildarlengd gangana er komin í 1137 metra. Þetta kemur fram á facebooksíðu Vaðlaheiðarganga.

vaðlaheiði 1Síðasta vika var nokkuð seinfarin og tók um viku að fara í gegnum 10 m. sprungusvæði eða misgengi með lélegu bergi. Af þessum sökum þarf að styrkja betur en vanalega og losa um bergið í styttri færum. Þá eru settir 5 metra forboltar eða spælingarboltar eru settir svo til lárrétt fyrir ofan þak ganga auk þess sem notaðir eru lengri og fleiri boltar upp í þakið en venjulega. Þá er ásprautun nú 15cm þykk (8cm + járnmottur + 7cm) en er vanalega 6cm þykk.

 

Ekkert óeðlilegt er að það taki lengri tíma að fara í gegnum svona sprungusvæði en í jarðfræðirannsóknum sem gerðar voru í undirbúningi ganganna er gert ráð fyrir að misgengissprungur séu í kringum 40-50 stöðum í öllum göngunum og er þegar búið að fara í gegnum þrjú svæði sem ekki voru til vandræða. Og er því ekkert óeðlilegt við það að menn fari varlega í gegnum fyrsta sprungusvæðið.
Til þessa hefur mestu afköstin verið 79 metrar en að jafnaði eru þetta um 50-60 metrar sem göngin lengjast á viku og hafa göngin til þessa verið í góðu bergi og er verkið um 4 vikum á undan áætlun þrátt fyrir þessar tafir.

Vaðlaheiðargöng.is