Tryggvi Snær tróð með tilþrifum fyrir Valencia í Evrópudeildinni – Myndband

0
122
Tryggvi Snær. Mynd af facebooksíðu Valencia

Tryggvi Snær Hlinason kom talsvert við sögu hjá Valencia Basket þegar liðið tapaði fyrir Olympiakos í Meistaradeildinni í körfuknattleik, Euroleague, í gærkvöld, 64-72. Tryggvi lék í tæpar níu mínútur, skoraði tvö stig, tók tvö fráköst, varði eitt skot, stal boltanum einu sinni og átti eina stoðsendingu. Frá þessu segir á Sport.is.

Tryggvi kom inn á þegar 43 sekúndur voru eftir af fyrsta leikhluta og tilkynnti komu sína með látum, tók varnarfrákast og tróð svo með tilþrifum í sókninni sem fylgdi í kjölfarið.

Þessi tilþrif má sjá á myndbandinu hér að neðan.