Tryggvi Snær til liðs við Zaragosa á Spáni

0
133
Tryggvi Snær. Mynd af facebooksíðu Valencia

Tryggvi Snær Hlinason virðist vera búinn að finna sér nýtt lið eftir að Valencia lét hann fara fyrr í sumar. Samkvæmt netmiðlinum Encestando hefur Zaragosa tryggt sér Tryggva á næstu leiktíð. Karfan.is segir frá þessu í dag.

Tryggvi sem hefur leikið með Valencia og Monbus Obradorio í spænsku úrvalsdeildinni mun því áfram leika í þeirri deild sem er meðal allra sterkustu deildum evrópu. Miðherjinn sterki átti fínt tímabil með Obradorio á síðustu leiktíð en Valencia ákvað að leysa hann undan samning eftir tímabilið.

Zaragosa endaði í sjötta sæti í Spænsku deildarkeppninni á síðustu leiktíð og komst alla leið í undanúrslit úrslitakeppninnar. Á þeirri leið sló liðið út gríðarlega sterkt lið Baskonia en féll úr leik gegn Barcelona. Þjálfari liðsins er Porfirio Fisac. Liðið mun leika í Meistaradeild evrópu á næstu leiktíð.

Karfan.is