Tryggvi í leikmannahóp Valencia í fyrsta leiknum í gær

Fékk ekki tækifæri

0
158
Tryggvi Snær Hlinason. Mynd af Facebooksíðu Valencia

Spænska ACB deildin hófst í gær með nokkrum leikjum en flest Íslensk augu beindust að Spánarmeisturum Valencia þar sem Tryggvi Snær Hlinason leikur. Tryggvi var valinn í 12 manna leikmannahóp Valencia sem mætti Real Betis í fyrsta leik spænsku úrvalsdeildarinnar í gær. Valencia vann á dögunum meistarakeppni Spánar einnig sem var mjög sterk keppni og er Tryggvi því búinn að landa sínum fyrsta bikar með liðinu. Frá þessu segir á vefnum Karfan.is

Nokkur meiðsli eru í herbúðum Valencia sem gerði það að verkum að Tryggvi var í leikmannahópnum í gær. Sagt var frá því í upphafi að Tryggvi myndi hefja leik með varaliði Valencia og vinna sér sæti í aðalliðinu en spennandi verður að sjá hvort Tryggvi fær tækifæri með liðinu þegar meiðslin hrjá liðið.

Valencia vann leikinn 90-80 og kom Tryggvi ekki við sögu i leiknum. Erick Green var stigahæstur með 29 stig en Valencia hóf þar með meistaravörn sína á góðum sigri.

Facebooksíða Valencia