Tryggvi æfði með Phoenix Suns í gær

Myndband frá æfingunni

0
176
Tryggvi Snær. Mynd af facebooksíðu Valencia

Eins og fram hefur komið á 641.is hefur Bárðdælingurinn stóri, Tryggvi Snær Hlinason ákveðið að vera hluti af nýliðavali fyrir NBA í ár, en nýliðavalið fer fram 21. júní nk.

Vefurinn Karfan.is segir frá því að leikmenn í nýliðavalinu reyna að heilla liðin í deildinni fyrir sjálft valið á ýmsan hátt. Flestir æfa hjá nokkrum liðum og koma sér þannig á framfæri. Í gær var tilkynnt að Tryggvi Snær væri einn af tveimur leikmönnum sem Pheonix Suns væru að skoða. Hinn er Dusan Ristic frá Arizona háskólanum.

Pheonix Suns eiga valrétt númer 31 og 59 í nýliðavalinu í ár auk þess sem liðið er auðvitað með fyrsta valrétt. Í gær kom fram á Twitter að Brooklyn Nets hafa fylgst vel með Tryggva á þessu tímabili. Það er því morgunljóst að Tryggvi er að vekja nokkra athygli og verður fróðlegt að fylgjast með honum fram að nýliðavalinu sem fer fram þann 21. júní næstkomandi. Karfan.is

Meðflygjandi myndband birtist á facebooksíðu Valencia Basket í morgun en þar sést Tryggvi æfa (pre-Draft workout) og síðan er stutt viðtal við hann.