Tófur og kindur á ferð

0
8

Eins og fram hefur komið í fjölmiðlum hafa bændur, sjálfboðaliðar og björgunarsveitir verið við leitir í Þingeyjarsýslum.  Meðal þeirra sem leitað hafa eru fulltrúar frá Fjáreigendafélagi Húsavíkur sem beðnir voru um að leggja til mannskap  til að ganga svæðið við Höskuldsvatn á Reykjaheiði sem er mjög erfitt yfirferðar norður að svokölluðum Reiðarárbotnum.

Torfi Aðalsteinsson sem var í leitarflokknum skoðar kindurnar sem náðust úr sjálfheldu við Höskuldsvatn. Mynd: Framsýn.is

 

 

 

 

 

 

 

 

Leitirnar gengu vel en þær hafa staðið yfir í tvo daga, það er á þessu afmarkaða leitarsvæði. Það ánægjulega var að allar kindurnar sem fundust voru lifandi en því miður sáust nokkrar tófur á svæðinu í leit að æti en þekkt er að tófur leggjast á kindur sem eru fastar í fönn. Ekki er ólíklegt að töluverður fjöldi fjár sé  enn í fönn.  Bændur og búalið mun því halda áfram leit á næstu dögum, það er meðan veður leifir.

Framsýn.is