Tilkynning frá Gámaþjónustunni

0
58

Nú er tunnudreifingu lokið í Þingeyjarsveit og byrjað að hreinsa frá heimilum. Einhverjum sérlausnum er þó ólokið í því sambandi en unnið er að því ljúka þeim. Útgáfa sorphirðudagatals er í vinnslu. Mæla þarf magn og tíma betur til þess að geta gefið það út í endanlegri mynd. Frá þessu segir í tilkynningu frá Gámaþjónustu Norðurlands.

Sorptunnur
Sorptunnur

Ljóst er að sveitarfélaginu verður skipt upp í 4 svæði og hreinsunardagar verða líklegast þriðjudagar og miðvikudagar. Snjómokstursáætlanir geta þó breytt því. Aðilar þurfa að bera saman bækur sínar svo sorphirðan og moksturinn falli sem best saman.

Nú er verið að fjarlægja gáma sem staðið hafa víða í sveitarfélaginu. Gámar við Draflastaði, Illugastaði, Fnjóskárbrú, Veisu, Krossmel og Fosshól hafa verið teknir eða verða teknir nú í vikunni og í staðinn settir gámar á gámastæðið við Stórutjarnir. Þar er gert ráð fyrir að íbúar flokki eins og merkingar á gámum segja til um.

Gámastæðið er ekki fullklárað en er vel nothæft fram á vor. Gámar í Útkinn, við Fljótsbrú og í Aðaldal verða fjarlægðir en gámar undir timbur, járn, almennan úrgang og umbúðir verða við Laxárvirkjun um sinn. Einnig verða gámar á Laugum við áhaldahús í óbreyttri mynd til að byrja með. Þetta fyrirkomulag eru skref í þeim breytingum sem nú eiga sér stað í úrgangs- og endurvinnslumálum sveitarfélagsins. Með von um góða samvinnu,kveðja Þingeyjarsveit og Gámaþjónusta Norðurlands.

Þar til endanleg mynd er komin á dagatal geta íbúar stuðst við eftirfarandi drög:

Svæði 3. þriðjudaginn 18. október, Kinnin og Bárðardalur: Sorp og plast grænt
Svæði 4. miðvikudaginn 19. október, Ljósavatnsskarð-Fnjóskadalur: Sorp og plast.
Svæði 1. þriðjudaginn 8. nóvember, Reykjadalur- Aðaldalur-Laxárdalur: Sorp og pappír
Svæði 2. miðvikudaginn 9. nóvember, Aðaldalur frá Laxárdal: Sorp og pappír
Svæði 3. þriðjudagur 15. nóvember, Kinnin og Bárðardalur: Sorp og pappír
Svæði 4. miðvikudagur 16. nóvember, Ljósavatnsskarð-Fnjóskadalur: Sorp og pappír

Þannig halda losanir áfram þessa vikudaga þ. e. á 3 vikna fresti fyrir sorp og á 6 vikna fresti fyrir endurvinnsluefni.