Föstudagskvöldið 10. janúar stendur UMF Gaman og Alvara fyrir Þrettándagleði í Ljósvetningabúð, og hefst gamanið kl. 20:30 með Varðeld. Björgunarsveitin Þingey verður að vanda með glæsilega flugeldasýningu. Að öllu leyti er dagskráin hefðbundin.
Allir hafi með sér veitingar sem settar eru á sameiginlegt hlaðborð, Gaman og Alvara leggur til drykki. Börnin geta haft með sér smákökur og tekið þátt í smákökusamkeppninni, sigurvegarinn fær nafnið sitt ritað á veglegt kökukefli sem er farandgripur.
Þá verður spilað BINGÓ fram eftir kvöldi.
Það skal sérstaklega tekið fram að ALLIR eru velkomnir, bæði að flugeldasýningu og í kaffi og Bingó
