Þórunn, Líneik og Þórarinn efst hjá Framsókn

0
700
Framsóknarfólk fyrir utan Breiðumýri í Reykjadal

Kjördæmisþing Framsóknarflokksins í Norðausturkjördæmi samþykkti í dag framboðslista fyrir komandi alþingiskosningar. Þórunn Egilsdóttir alþingismaður skipar fyrsta sæti listans og Líneik Anna Sævarsdóttir fyrrverandi alþingismaður skipar annað sætið. Í þriðja sætinu situr Þórarinn Ingi Pétursson, fyrrverandi formaður Landssamtaka sauðfjárbænda.

Kjörstjórn kjördæmissambandsins vann tillögu að lista út frá framboðum og tillögum sem bárust í aðdraganda uppstillingarinnar. Tillaga kjörstjórnar var síðan lögð fyrir fjölmennt kjördæmisþing sem haldið var að Breiðumýri í Reykjadal. Að loknum umræðum var hún borin upp og samþykkt samhljóða og með lófataki.

Kjördæmisþingið stendur enn yfir, en í umræðum hefur verið lögð áhersla á mikilvægi málefna á borð við nauðsynlegar breytingar á menntakerfinu, aðgengi að heilbrigðisþjónustu, jöfnuð í samfélaginu, áframhaldandi uppstokkun á fjármálakerfinu og uppbyggingu á samgöngukerfinu.

Framboðslisti Framsóknarflokksins í Norðausturkjördæmi 2017

Þórunn Egilsdóttir, Vopnafirði
Líneik Anna Sævarsdóttir, Fjarðabyggð
Þórarinn Ingi Pétursson, Grýtubakkahreppi
Hjálmar Bogi Hafliðason, Norðurþingi
Jóhannes Gunnar Bjarnason, Akureyri
Mínerva Björg Sverrisdóttir, Akureyri
Örvar Jóhannsson, Seyðisfirði
Aðalheiður Björt Unnarsdóttir, Fljótsdalshéraði
Sverre Andreas Jakobsson, Akureyri
Birna Björnsdóttir, Norðurþingi
Gunnlaugur Stefánsson, Norðurþingi
Eiður Ragnarsson, Djúpavogshreppi
Petrea Ósk Sigurðardóttir, Akureyri
Vigdís Magnea Sveinbjörnsdóttir, Fljótsdalshéraði
Þorgeir Bjarnason, Fjallabyggð
Heiðar Hrafn Halldórsson, Norðurþingi
Svanhvít Aradóttir, Fjarðabyggð
Eiríkur Haukur Hauksson, Svalbarðsstrandarhreppi
Margrét Jónsdóttir, Þingeyjarsveit
Anna Sigrún Mikaelsdóttir, Norðurþingi