Þjóðaratkvæðagreiðsla. Kjörstaður er í Ljósvetningabúð

0
7

Kjörstaður í Þingeyjarsveit er Ljósvetningabúð. Kjörfundur hefst kl. 10:00 og stendur a.m.k. til kl. 18:00. Samkvæmt 89. gr. laga nr. 24/2000 má ekki slíta atkvæðagreiðslu fyrr en átta klukkustundir eru liðnar frá því að kjörfundur hófst og ekki fyrr en hálf klukkustund er liðin frá því að kjósandi gaf sig síðast fram. Kjörfundi skal þó slíta í síðasta lagi kl. 22:00 á kjördag.

Á kjörstað skal kjósandi gera grein fyrir sér með framvísun skilríkja eða á annan fullnægjandi hátt.

 

 

Kjörskrá vegna þjóðaratkvæðagreiðslu 20. október n.k. liggur frammi á skrifstofu Þingeyjarsveitar almenningi til sýnis frá og með miðvikudeginum 10. október  til kjördags.

Kjörskrá miðast við skráð lögheimili í sveitarfélagi eins og það er samkvæmt íbúaskrá þjóðskrár þremur vikum fyrir kjördag.

Sveitarstjóri og formaður kjörstjórnar