Sveitarstjórn Skútustaðahrepps harmar ótímabæra gjaldtöku

0
14

Sveitarstjórn Skútustaðahrepps tekur undir ályktanir Mývatnsstofu frá 31. mars og Markaðsstofu Norðurlands frá 2. apríl. þar sem líst er yfir áhyggjum af fyrirhugaðri, ótímabærri gjaldtöku á ferðamannastöðum í Skútustaðhreppi. Sveitarstjórn Skútustaðahrepps harmar að Landeigendur Reykjahlíðar hyggist rukka aðgangseyri af gestum sveitarinnar án þess að aukin uppbygging hafi átt sér stað eða þjónusta veitt. Frá þessu segir í tilkynningu frá Skútustaðahreppi.

Skjaldarmerki_Skutustadahrepps

 

Eftirfarandi bókun var samþykkti á fundi sveitarstjórnar Skútustaðahrepps 4. apríl. s.l.

Gjaldtaka á ferðamannastöðum
Sveitarstjórn Skútustaðahrepps tekur undir ályktanir Mývatnsstofu frá 31. mars og Markaðsstofu Norðurlands frá 2. apríl. þar sem líst er yfir áhyggjum af fyrirhugaðri, ótímabærri gjaldtöku á ferðamannastöðum í Skútustaðhreppi.

 

Sveitarstjórn Skútustaðahrepps harmar að Landeigendur Reykjahlíðar hyggist rukka aðgangseyri af gestum sveitarinnar án þess að aukin uppbygging hafi átt sér stað eða þjónusta veitt. Það að einstök náttúrusvæði verði lokuð almenningi á háannatíma án greiðslu, eftir áratuga athugasemdalausa notkun, er ekki ásættanlegt fyrirkomulag og mun skaða ímynd sveitarfélagsins til framtíðar.
Sjálfsagt er að Landeigendur Reykjahlíðar setji upp ferðaþjónustu og taki þóknun fyrir veitta þjónustu, þegar lagt hefur verið í uppbyggingu á svæðinu og þjónustan veitt.
Sveitarstjórn Skútustaðahrepps hvetur Landeigendur Reykjahlíðar til að fresta fyrirhugaðri gjaldtöku við Dettifoss, Hveri og Leirhnjúk þar sem verið er að vinna að lausn þessara mála á landsvísu.
Guðrún María Valgeirsdóttir sveitarstjóri vék af fundi undir þessum lið.