Sumarleikar Frjálsíþróttaráðs HSÞ 2018 á Laugavelli 11-12. ágúst

0
88

Verið velkomin á Sumarleika frjálsíþróttaráðs HSÞ sem verða haldnir á Laugavelli dagana 11. Og 12. ágúst.  Mótsstjórn og yfirdómgæsla verður í höndum Gunnhildar Hinriksdóttur   ghinriks@gmail.com. Skráning keppenda fer fram á thor.fri.is mótaforrit og lýkur skráningu fimmtudagskvöldið 9. ágúst kl. 24:00.  Eftir það er aðeins hægt að senda skráningar í tölvupósti á ghinriks@gmail.com

Ekki verður hægt að skrá sig á staðnum.

Vekjum athygli á því að einungis er um drög að tímaseðli að ræða á thor.fri.is en endanlegur tímaseðill verður kominn á netið um kl. 20 föstudaginn 10. ágúst.

Keppnisgreinar eftir flokkum:

9 ára og yngri: Fjölþraut þar sem þrautirnar eru langstökk, boðhlaup, boltakast og víðavangshlaup. Allir keppa í öllu og verður skipt í hópa eftir þörfum, strákar og stelpur saman í bland.

10-11 ára piltar og stúlkur: Keppt er í fjórþraut þar sem hver keppandi verður að taka þátt í a.m.k. einu spretthlaupi, einni kastgrein, einni stökkgrein og lengra hlaupi. Greinarnar eru: 60m hlaup, 600m hlaup, langstökk, hástökk, spjótkast og kúluvarp. Hægt er að skrá sig í stakar greinar (ekki taka þátt í fjölþraut) en einungis verða veitt verðlaun fyrir keppni í fjölþraut. Keppendur fá stig í samræmi við úrslitaröð m.v. þá sem eru skráðir í fjölþraut. Dæmi: 10 þátttakendur eru í fjölþraut, þá fær keppandi í 1. sæti 10 stig, 2. sæti 9 stig o.s.frv. Að auki verður boðið upp á keppni í 4x 100m boðhlaupi.

12 ára piltar og stúlkur: 60m hlaup, 600m hlaup, langstökk, hástökk, spjótkast, kúluvarp, 4x100m boðhlaup.

13 ára piltar og stúlkur: 60m hlaup, 600m hlaup, 60m grindahlaup, langstökk, hástökk, spjótkast, kúluvarp,  4x100m boðhlaup.

14 ára piltar og stúlkur: 100m hlaup, 600m hlaup, 80m grindahlaup, langstökk, hástökk, spjótkast, kúluvarp,  4x100m boðhlaup.

15 ára piltar og stúlkur: 100m hlaup, 800m hlaup, 80/100m grindahlaup, langstökk, hástökk, spjótkast, kúluvarp, kringlukast, 4x100m boðhlaup.

16-17 ára og 18 ára og eldri piltar og stúlkur: 100m hlaup, 200m hlaup, 800m hlaup, 1500m hlaup, 100/110m grindahlaup, langstökk, hástökk, stangarstökk, spjótkast, kúluvarp, kringlukast, sleggjukast

Allir keppendur fá 4 tilraunir í köstum og stökkum. Greinar í flokki 18 ára og eldri eru opnar öllum

Skráningargjald er 3000 fyrir 9 ára og yngri.  4500 kr fyrir 10 ára og eldri.  Greiða skal áður en keppni hefst.  Félögin eru vinsamlegast beðin um að geiða í einu lagi fyrir sína keppendur inn á reikning Frjálsíþróttaráðs HSÞ og senda kvittun í tölvupósti á mallalitla@hotmail.com

1110 05 400575 kt. 640409-0610