Styðjum Valgerði með því að fara að kjósa

0
5

Laugardaginn 26. janúar,  gefst okkur Þingeyingum tækifæri á  að koma okkar manneskju í  vænlegt sæti á framboðslista Sjálfstæðisflokksins í norðaustur kjördæmi í komandi alþingiskosningum.

Jón Helgi Björnsson
Jón Helgi Björnsson

 

Valgerður Gunnarsdóttir er að góðu kunn hér en hún bjó og starfaði á Húsavík í fjölmörg ár. Sat m.a. í bæjarstjórn í 12 ár og starfaði við Framhaldsskólann á Húsavík frá stofnun hans eða í 12 ár, þar til hún var skipuð skólameistari Framhaldsskólans á Laugum árið 1999. Margir hefðu álitið að framtíð Framhaldsskólans á Laugum væri málum blandin á þeim tíma. En undir hennar forystu hefur staða skólans styrkst með nýjungum í kennsluháttum og uppbyggingu á staðnum.

 

 

Við hvetjum Þingeyinga til að taka þátt í prófkjörinu á laugardaginn og tryggja Valgerði örugga kosningu í annað sæti listans. Við munum ekki sækja pólitísk áhrif með því að sitja heima.

Kosið verður í prófkjöri Sjálfstæðisflokksins laugardaginn 26. janúar í sal Framsýnar á Húsavík frá kl. 10.00 til 18.00. Til að geta kosið þarf að ganga í Sjálfstæðisflokkinn en það er hægt að gera á netinu www.xd.is. Á kosningadag er hægt að ganga í flokkinn um leið og kosið er með því að fylla út skráningarblað. Engar skuldbindingar fylgja því að ganga í flokkinn.

Virðingarfyllst Jón Helgi Björnsson, formaður bæjarráðs Norðurþings