Stór klakahöll á Ljósavatni – Myndir

Stór og mikil klakahöll hefur myndast rétt fyrir ofan bæinn Ljósavatn, en hún hefur byggst upp smá saman undanfarnar vikur. Lítið gat er á vatnsþrýstilögninni sem liggur að heimarafstöðinni á Ljósavatni og spýtist vatn þar út og stendur bunan hátt upp í loftið. Í kuldatíðinni undanfarnar vikur frýs vatnið og upp hleðst klakinn og myndar þessa flottu klakahöll sem sést á meðfylgjandi myndum sem Hörður Jónasson bílstjóri hjá Fjallasýn tók í gær.

Að sögn Jóns Björns Hreinssonar bónda á Ljósavatni, sem braut sér leið inn í höllina í gær til að skoða aðstæður, er hún um 10 metra há en klakinn í henni er ekki mjög þykkur.

Hætt er við að klakahöllin láta eitthvað á sjá á næstu dögum þar sem spáð er hláku. (Sjá myndband hér neðst í fréttinni)

Umræður