Stór jarðskjálfti í Bárðarbungu

0
67

Skjálftavirkni er enn mjög mikil í öskju Bárðarbungu. Frá hádegi í gær voru 18 stórir skjálftar í öskunni og þar af einn yfir M5,0. Nú undir hádegið varð annar stór skjálfti uppá M5,5 og er hann einn öflugasti skjálftinn sem orðið hefur á svæðinu frá því jarðhræringarnar hófust þann 16. ágúst síðastliðinn. Frá þessu segir á vef Almannavarna. Ekkert lát virðist vera á eldgosinu í Holuhrauni. Hraunbreiðan stækkar enn og samkvæmt nýjustu mælingum er hún nú rúmir 37 ferkílómetrar. Samkvæmt vísindamönnum á vettvangi rennur hraunið nú norðan við hraunjaðarinn til norðausturs.

Holuhraun 20. september 2014. Kort fengið af vef Jarðvísindastofnun HÍ.
Holuhraun 20. september 2014. Kort fengið af vef Jarðvísindastofnun HÍ. semlla á til skoðunar

 

Enn kemur mikið upp af brennisteinsdíoxíði með eldgosinu. Vísindamenn á vettvangi telja að 90% gas efnanna komi upp um gígana en aðeins 10% af hraunbreiðunni. Þetta hefur þó ekki verið mælt mjög nákvæmlega. Vart hefur verið við nokkuð af dauðum fulgi við gosstöðvarnar og undirstrikar sú staðreynd þá hættu sem fólki er búin af því að vera í Holuhrauni á meðan gosið stendur yfir.

 

 

 

Nánar má lesa um niðurstöður Vísindamannaráðs almannavarna frá því í morgun, sunnudag, hér.