Sótt um leyfi til framkvæmda á Bakka fyrir kísilmálmvinnslu PCC

0
11

Í umsókn, sem barst embætti byggingarfulltrúa Norðurþings fyrr í vikunni, er óskað eftir samþykki byggingaráforma fyrir kísilmálmvinnslu PCC á iðnaðarlóð fyrirtækisins á Bakka. Með umsókninni var skilað inn aðalteikningum flestra fyrirhugaðra húsa sem áætlað er að verði rúmir 3 hektarar að grunnfleti og allt að 39,4 metra há.  Einnig er beðið eftir umsögnum annarra umsagnaraðila um byggingaráformin. Frá þessu er greint frá á vef Norðurþings í dag.

Bakki-Bakkahöfði.
Bakki-Bakkahöfði.

Embætti byggingarfulltrúa fer nú yfir framlögð gögn og verða niðurstöður kynntar í skipulags- og byggingarnefnd nú í júní.  Á grundvelli samþykktra byggingaráforma er gert ráð fyrir að veitt verði leyfi til framkvæmda við jarðvinnu á iðnaðarlóð PCC nú í sumar.