Þegar sólmyrkvinn stóð sem hæst var þykkt skýjateppi yfir Ljósavatnsskarði. Nemendur Stórutjarnaskóla fóru út eftir morgunverð kl.8:25 til að fylgjast með, allir fengu sólmyrkvagleraugu afhent úr hendi skólastjóra og aðstoðarskólastjóra og hoppuðu spenntir út. Ekkert sá þó til sólar en það dimmdi þó það mikið að ljós á ljósastaurum sem eru með birtuskynjara kviknuðu. Fréttaritari renndi þá inn að Fnjóskábrú og heim að Skógum og þar var glampandi sól og gott skyggni.
