Heiðrún Tryggvadóttir og Garðar Jónsson á Stóruvöllum í Bárðardal náðu einstökum myndum af Snæuglu sem varð á vegi þeirra í dag, er þau brugðu sér í stutta fjölskylduferð í óbyggðum Þingeyjarsýslu.
Að sögn Heiðrúnar virtist þetta vera ungur fugl og giskuðu þau á að hann væri kanski ársgamall. Það komust ótrúlega nálægt uglunni, eða í kanski 60-70 metra fjarlægð. Hún virtist frekar róleg og flögraði í kringum Heiðrúnu og Garðar í dágóða stund og þá gafst þeim tími til að smella af meðfylgjandi myndum. Snæugla ef afar sjaldséð og sjaldgæft er að það náist góðar myndir af henni.
