Skútustaðahreppur – Birkir Fanndal fékk Umhverfisverðlaunin 2018

0
352
Dagbjört Bjarnadóttir, Birkir Fanndal og Elísabet Sigurðardóttir

Á slægjufundi síðasta laugardag voru afhent Umhverfisverðlaunin 2018.  Birkir hefur með endurhleðslu varða á Mývatnsöræfum sýnt umhverfinu áhuga og umhyggju í verki. Jafnframt hefur Birkir komið fyrir gestabókum á fjallstoppum og áningarstöðum í sveitinni. Frá þessu segir á vef Skútustaðahrepps.

Þetta hefur aukið áhuga fólks á umhverfinu og vörðurnar dregið athygli vegfarenda að sögu svæðisins. Sveitarstjórnarfulltrúarnir Dagbjört Bjarnadóttir og Elísabet Sigurðardóttir afhendi Birki verðlaunin fyrir hönd umhverfisnefndar og sveitarstjórnar Skútustaðahrepps. Þetta er í þriðja skiptið sem þessi verðlaun eru afhent.

Auglýst var eftir tilnefningum til umhverfisverðlauna og bárust þó nokkrar tilnefningar. Umhverfisnefnd þakkar innsendar tillögur, sem allar stóðu undir væntingum og bera vitni um snyrtimennsku og prýði. Þeir sem hlutu tilnefningar voru:

  • Lára og Bessi fyrir Lynghraun 7
  • Ásdís og Siggi fyrir Helluhraun 13
  • Birkir Fanndal fyrir vörður á Mývatnsöræfum og að koma fyrir gestabókum ásamt kössum fyrir þær
  • Lovísa og Hólmgeir fyrir Álftagerði 1
  • Sólveig og Eddi fyrir Skútahraun 12