Skrifað undir kjarasamninga í gær

0
5

Framsýn gekk frá nokkrum kjarasamningum í gær við atvinnurekendur á félagssvæði félagsins og voru þeir undirritaðir og kynntir starfsmönnum í gær. Kjarasamningarnir voru bornir upp og samþykktir samhljóða meðal starfsmanna þessara fyrirtækja. Frá þessu segir á vef Framsýnar-stéttarfélags.

Aðalsteinn Árni Baldursson formaður Framsýnar-stéttarfélags

Starfsmenn lýstu yfir ánægju sinni með nýja kjarasamninginn sem tryggir þeim 35000 króna hækkun á mánuði auk þess sem það er tryggt að lágmarkslaun verði kr. 300.000 á mánuði árið 2017. Ekki er ólíklegt að skrifað verði undir fleiri kjarasamninga í dag en viðræður fóru fram við tvö fyrirtæki í gærkvöld og fleiri til viðbótar hafa lýst yfir áhuga fyrir samningaviðræðum við Framsýn.