Skógardagur Norðurlands tókst vel

0
18

Skógardagur Norðurlands var haldinn í Vaglaskógi laugardaginn 11. júlí 2015 í þokkalegu veðri, norðaustan golu og lítils háttar rigningu af og til. Ætla má að í það minnsta 300 manns hafi sótt viðburðinn. Frá þessu segir á skógur.is

Skógardagurinn 2015 2
Benjamín Davíðsson aðstoðarskógarvörður og Óskar Einarsson skógvélamaður lýsa kostum höggvélarinnar og fræða gesti um grisjun skóga. Mynd P.H.

Í boði var gönguferð um trjásafnið, leiðsögn um fræhúsið, ratleikur, útileikir og leiktæki fyrir börnin, lifandi tónlist, grisjunarvél var kynnt og sýnd að störfum, ketilkaffi, lummur, pinnabrauð og fleiri veitingar. Einnig kynntu Sólskógar og Jötunn vélar starfsemi sína og vörur. Allir fóru glaðir og ánægðir heim eftir ánægjulegan dag. Texti og myndir Pétur Halldórsson

Skógardagurinn 2015 3
Rúnar Ísleifsson skógarvörður ávarpar gesti og býður velkomna. Mynd P.H

Aðstandendur Skógardags Norðurlands voru Skógrækt ríkisins, Norðurlandsskógar, Skógræktarfélög Eyfirðinga og Suður-Þingeyinga, Skógfræðingafélag Íslands, Sólskógar og Jötunn vélar.

Skógardagurinn 2015 1
Katrín Ásgrímsdóttir í Sólskógum hampar fallegri eik. Mynd P.H

Hér er hægt að skoða fleiri myndir.