Sigurður Ingi Jóhannsson er nýr ráðherra Landbúnaðarmála

0
69

Sigurður Ingi Jóhannsson er nýr ráðherra landbúnaðar-, sjávarútvegs- og umhverfismála í nýrri ríkisstjórn Framsóknar- og Sjálfstæðisflokks sem tekur við völdum í dag. Sigurður Ingi er mörgum bændum að góðu kunnur en hann starfaði áður sem dýralæknir hjá Dýralæknaþjónustu Suðurlands og var þar áður héraðsdýralæknir í uppsveitum Árnessýslu.

Sigurður Ingi Jóhannsson ráðherra landbúnaðarmála
Sigurður Ingi Jóhannsson ráðherra landbúnaðarmála

Sigurður Ingi var fyrst kjörinn á þing 2009 en hafði áður starfað mikið á sviði sveitarstjórnarmála og var m.a. oddviti Hrunamannahrepps frá 2002-2009 enda fæddur og uppalinn í Dalbæ í Hrunamannahreppi.

Sigurður Ingi sagðist í viðtali við RÚV í gærkvöldi hafa sóst eftir þessum málaflokkum, hafi unnið að þeim á liðnu kjörtímabili og þekki þau út og inn. Hann kvíðir því ekki að umhverfismálin verði undir eftir að búið sé að færa þann málaflokk undir ráðherra sjávarútvegs- og landbúnaðarmála. Hann segist leggja mikla áherslu á umhverfismálin, og kannski þurfi að koma þeim meira inn í hugsunarhátt nýtingarinnar.

rml.is

[scroll-popup-html id=“10″]