Samningur undirritaður um rekstur 2014-2016

0
52

Mennta- og menningarmálaráðherra, Illugi Gunnarsson, undirritaði í liðinni viku samstarfssamning við Þekkingarnet Þingeyinga til næstu þriggja ára. Undirritunin fór fram í ráðuneytinu að viðstöddum fulltrúa úr stjórn Þekkingarnetsins, Margréti Hólm Valsdóttur, og þeim Hellen Gunnarsdóttur og Þórarni Sólmundarsyni af skrifstofu vísinda og háskóla hjá ráðuneytinu. Samningur þessi er gerður í framhaldi af fyrri samningi sem rann út um liðin áramót og gildir árin 2014-2016. Frá þessu segir á vef Þekkingarnets Þingeyinga.

Frá vinstri: Þórarinn Sólmundarson, Illugi Gunnarsson mennta- og menningarmálaráðherra, Hellen Gunnarsdóttir, Óli Halldórsson og Margrét Hólm Valsdóttir. Mynd af vefnum hac.is
Frá vinstri: Þórarinn Sólmundarson, Illugi Gunnarsson mennta- og menningarmálaráðherra, Hellen Gunnarsdóttir, Óli Halldórsson og Margrét Hólm Valsdóttir. Mynd af vefnum hac.is

Meginmarkmið samningsins eru …

  • að mæta fræðsluþörf íbúa og atvinnulífs með framboði og miðlun náms,
  • að afla þekkingar og viðhalda, miðla henni og hagnýta á starfssvæðinu og
  • að stuðla að auknu samstarfi og samþættingu menntunar, rannsókna, fræðastarfs, menningarstarfsemi og atvinnuþróunar á starfssvæðum Þekkingarnetanna.

Ánægjulegt er að ljúka þessu skrefi, en Þekkingarnetið hefur unnið að endurnýjun samningsins síðastliðnar vikur í góðu samstarfi við mennta- og menningarmálaráðuneytið. Þekkingarnetið er fyrst í röð margra sambærilegra stofnana sem endurnýja munu samninga á þessu ári.

Samninginn má finna á heimasíðu  Þekkingarnets Þingeyinga: http://www.hac.is/samningur-mrn-og-thth/