Samið um byggingu tengivirkja á Bakka og Þeistareykjum

0
36

Landsnet gekk sl. föstudag frá samningi að verðmæti 1,2 milljarðar króna vegna tengingar iðnaðarsvæðisins á Bakka við Húsavík við Þeistareykjavirkjun og raforkuflutningskerfið. „Þetta er ánægjulegur áfangi í þeim nýframkvæmdum sem við erum af fara af stað með á Norðausturlandi til að tengja Bakka við Þeistareykjavirkjun og virkjunina við meginflutningskerfið okkar í Kröflu. Samningar um byggingu nýs tengivirkis í Kröflu verður einnig tilbúinn fljótlega. Það er mikilvægt að þetta gangi allt vel þar sem gert er ráð fyrir að afhending raforku á Bakka geti hafist eigi síðar en 1. nóvember 2017,“ segir Guðmundur Ingi Ásmundsson, forstjóri Landsnets.

Guðmundur Ingi Ásmundsson, forstjóri Landsnets, og Ásgeir Loftsson, framkvæmdastjóri LNS Saga, handsala samkomulagið
Guðmundur Ingi Ásmundsson, forstjóri Landsnets, og Ásgeir Loftsson, framkvæmdastjóri LNS Saga, handsala samkomulagið

Undir kostnaðaráætlun
Í framhaldi af útboði á dögunum var samið við fyrirtækin LNS Saga ehf. og Leonhard Nilsen & sønner AS um jarðvinnu og byggingu húsa fyrir ný tengivirki Landsnets á Bakka og Þeistareykjum. Samkomulagið, sem undirritað af Guðmundi Inga Ásmundssyni, forstjóra Landsnets, og Ásgeiri Loftssyni, framkvæmdastjóra LNS Saga, hljóðar upp á 1,2 milljarða króna með virðisaukaskatti en kostnaðaráætlun Landsnets fyrir þessa tvo verkhluta var tæplega 1,5 milljarðar króna.

 

Tilboð LNS Saga og Leonhard Nilsen & sønner voru þau einu sem bárust í byggingu tengivirkjanna tveggja.

Gert er ráð fyrir að jarðvinna vegna framkvæmdanna hefjist í júní á þessu ári en báðum verkhlutum skal vera að fullu lokið 15. september 2017. Landsnet.is