Sæðingadagar á starfssvæði Búgarðs

0
19

Sauðfjárbændur fara nú að leggja drög að framleiðslu næsta árs. Hið magnaða rit, Hrútaskráin, er komin út á vefnum eins og greint var frá hér á 641.is í liðinni viku. Hún ætti að berast bændum á prenti í þessari viku. Nú liggja fyrir sæðingardagar á starfssvæði Búgarðs og geta því sauðfjárbændur skipulagt sínar sæðingar með tilliti til þess.

Snorri Kristjánsson við sæðingar

Lágmarkspöntun á frjálsum dögum eru 50 skammtar frá hvorri stöð. Birgitta Lúðvíksdóttir tekur á móti pöntunum. Helst viljum við fá þær í tölvupósti á netfangið birgitta@bugardur.is eða í síma í 460-4477. Fyrirvari er hafður á afhendingartíma á Búgarði eftir því hvernig flugáætlanir standast. Frá þessu er sagt á vef Búgarðs.

Líkt og undanfarin ár verður útgáfu Hrútaskrárinnar fylgt eftir með fundum um allt land, þar sem hrútakostur sæðingastöðvanna verður kynntur. Eyjólfur Ingvi Bjarnason, ráðunautur BÍ, mun mæta á alla fundina auk sauðfjárræktarráðunauta á hverju svæði. Á fundunum verður ýmsum viðbótarupplýsingum um hrútakostinn komið á framfæri, farið verður yfir framkvæmd sæðingastarfsins á hverju svæði auk almennrar umfjöllunar um ræktunarstarfið. Hér er að finna yfirlit yfir dag-, tíma- og staðsetningar fundanna. 

laugardaginn 24. nóvember verður hrútakosturinn kynntur fyrir Þingeyingum á fundi í Ýdölum Aðaldal kl. 13:00

Eru menn minntir á að panta varahrúta, ef ekki fást skammtar úr þeim hrútum sem valdir eru.

Eftirfarandi sæðingardagar verða í boði.

      Til afgreiðslu á Búgarði
1.des laugardagur Frjálsir dagar 15:00
2.des sunnudagur Frjálsir dagar 12:00
3.des mánudagur Frjálsir dagar 14:00
4.des þriðjudagur Frjálsir dagar 15:00
5.des miðvikudagur Suðurland 15:00
6.des fimmtudagur Suðurland 14:00
7.des föstudagur Suður og Vesturland 14:00
8.des laugardagur Suður og Vesturland 15:00
       
13.des fimmtudagur Suðurland 14:00
14.des föstudagur Suður og Vesturland 14:00
15.des laugardagur Suður og Vesturland 15:00
       
19.des miðvikudagur Suður og Vesturland 15:00
20.des fimmtudagur Suður og Vesturland 14:00
21.des föstudagur Suður og Vesturland 14:00