Ríkið kaupi Grímsstaði á Fjöllum

0
16

Ögmundur Jónasson og Svandís Svavarsdóttir alþingismenn hafa lagt fram tillögu til þingsályktunar um að ríkið kaup Grímsstaði á Fjöllum. Í þingsályktunartillögunni er ríkisstjórninni falið að leita eftir samningi um kaup á Grímsstöðum á Fjöllum og tryggja þannig að jörðin verði þjóðareign.

Grímsstaðir á Fjöllum
Grímsstaðir á Fjöllum

 

Í greinargerð með tillögunni segir að mikil umræða hefur spunnist í tengslum við áform erlendra auðmanna um að festa kaup á Grímsstöðum á Fjöllum og öðru jarðnæði í landinu. Þetta varð m.a. til þess að um 150 einstaklingar sendu frá sér áskorun til Alþingis og ríkisstjórnar undir yfirskriftinni Grímsstaðir á Fjöllum verði þjóðareign þar sem skorað var á stjórnvöld að festa kaup á Grímsstöðum á Fjöllum og marka skýra stefnu um ríkiseign á hliðstæðum jörðum.

 

Þar segir einnig að margt mælir með því að ríkið festi kaup á Grímsstöðum á Fjöllum sem eru í þjóðlendujaðrinum. Ríkið á þegar tvær jarðir suður af Grímsstöðum, Víðidal og Möðrudal, og um fjórðung Grímsstaða á Fjöllum. Tekið er undir það sem fram kemur í framangreindri áskorun að æskilegt er að mótuð verði stefna varðandi eignarhald og umráð yfir óbyggðum og þá sérstaklega bújörðum sem teygja sig inn á hálendið.

Sjá nánar hér