PCC BakkiSilikon – Hráefnin fara í ofninn í dag og fyrsta málminum tappað af í kvöld

Mögulega berst lykt til Húsavíkur í norðanátt

0
250
Birta. Mynd: PCCBakkiSilikon

Eftir um það bil klukkustund á að hita fyrri ofn PCC BakkaSilikon sem hlaut nafnið Birta og hefur verið í upphitunarferli í nokkra daga, enn frekar upp með að setja þurrt og hreint timbur í hann. Allt afsog í þessu ferli mun fara í gegnum reykhreinsivirkið en veðuraðstæður í dag eru þannig að það er norðanátt, svo það er mögulegt að einhver lykt berist til Húsavíkur.

Frá þessu segir í tilkynningu frá PCC BakkaSilikon í dag.

Ekki tókst að hlaða hráefni í ofn PCC BakkaSilikon eins og til stóð í gær. Þar sem öryggi er okkur efst í huga, var ákveðið að hita ofninn upp í einn dag í viðbót til leyfa meiri raka að gufa upp frá ofnhleðslunni.

Reiknað er með að fyrsta málminum verði tappað af í kvöld.