Óvenjulegar aðstæður ollu skriðunum í Kinnarfelli – ólíklegt að slíkt endurtaki sig

0
9
Skriðuföllin sem urðu í Kinnarfelli við Ystafell sl. vor eru ákaflega sjaldgjæfir atburðir. Þau urðu við mjög sérstakt veðurfar um veturinn og vorið. Þetta kemur fram í greinargerð Náttúrufræðistofnunar Íslands og Veðurstofunnar sem sagt er frá á heimasíðu Vegagerðarinnar.
aurskriðan
Stóra aurskriðan. Mynd Heiða Kjartans.
Niðurstaðan er að „rökrétt er því að álykta sem svo að skriðuföll séu sjaldgæf úr þessari hlíð og sjaldan skapist skriðuhætta í henni. Allar aðstæður við vorleysingar síðastliðið vor voru því mjög óvenjulegar og dæmi um hve allt veðurfar haustið 2012 og síðastliðinn vetur var sérstakt. Þetta er þó atriði sem þarf að kanna betur. Viðbúið er að eitthvað aurrennsli verði
úr stærsta skriðuörinu, næsta eða næstu árin en ekki er ástæða til þess að búast við svipuðum skriðuföllum vestanmegin í Kinnarfelli á næstunni, nema að svipaðar aðstæður skapist í fjallinu og síðastliðið vor.“ segir í greinargerðinni.
Vegagerðin fékk greinargerðina nýlega en hana má lesa hér.