Kvikmyndavefurinn IndieWire fjallar í grein sem birtist þar nýlega, um þær myndir sem miðillinn telur koma til greina sem framlag viðkomandi landa til Óskarsverðlaunanna (besta erlenda myndin), en þær eru alls vel á fjórða tug. IndieWire telur að valið á Íslandi komi til með að standa á milli Hrúta og Fúsa. Frá þessu segir á vefnum klapptré.is
Kosning um framlag Íslands til Óskarsins fer fram dagana 2.-7. september. Kosningarétt hafa meðlimir Íslensku kvikmynda- og sjónvarpsakademíunnar. Kosið er á milli fimm kvikmynda.
Þær eru:
- Austur
- Fúsi
- Grafir og bein
- Hrútar
- Webcam
Kosningin er rafræn og fer fram meðal meðlima ÍKSA.