Nú er úti veður vott

0
148
Jón Aðalsteinn Hermannsson

Mikið assgoti er leiðinlegt úti, þoka og rigning.  Ekki veður sem passar við Akureyri.  Nú var ég i forsjáll keypti í Bónus mat til fleiri vikna en reyndar er það svo að alltaf vantar eitthvað. Blessuð hreingerningarkonan  kom og náði mér í rúminu eða þannig. Ég var búinn að gera allt svo hreint og gott samkvæmt mínum smekk sem er  bara svona í meðallagi þannig að hún hafði ekkert að gera, þvoði samt gólfin eins og venjulega ímynduð óhreinindi. Ég vildi útvíkka starfssvið hennar,  bæta við skápum að innan og eldavél. Ég er hættur að þora að nota hana, því vélin býr yfir sprengiefni sem kallast fita. Og nú einmitt þegar í garð gengur leiðinlegasti tími hvers árs, haustið- hvorki sumar eða vetur bara eitthvert veður, það sem vantar er eldur , eldgos hefur róandi  áhrif á tíðarfarið. T.d. Fimmvörðuháls gosið,  alltaf gott veður var þá á Hlíðskógum, bjarminn lýsti upp og var bara til skemmtunar , en myndavélin mín neitaði að taka myndir af eldi . Við skulum bara vona að ekki gjósi úr Þorbirninum,  það yrði svipað eins og Vestmannaeyjar- gosið varð, allir urðu að flýja, þannig yrði á Reykjanesinu. Vatnajökulsgos  er mjög langt frá byggð,  mér er spurn hefur nokkurn tímann orðið alvörugos í /úr Vatnajökli  en hann er bara alltaf viðbúin/ tilbúinn?  Man að það var mikill viðbúnaður og haldnir almannavarnar-fundir… ég fór hvergi , en   fékk hringingu frá Lögreglunni í Víkinni með húsin eins og var við Landnám.  Blessaður maðurinn sagði mér að Hlíðskógabær væri í hættu. Ég kom honum í skilning  um þá staðreynd að Valley er tveim metrum lægri  móts við Hlíðskógabæ  og oft hefði komið fyrir að jakahlaup, sem  hefðu farið uppá Eyrina en vatnið runnið austur yfir Valley. Já t.d. eitt sinn stöðvaðist  jakahlaup í Fljótinu austan Valleyjar  og allt vatnið rann í Vallakvísl. Nú getur þetta ekki gerst v.varnargarðsins  sunnan mynni Vallakvíslar, já garðurinn sem er mikið mannvirki hefur sannað gildi sitt, auk þess myndast  hrygningar og veiðistaður sunnan garðs, sem er í Stóruvallalandi.  Stundun gerir maður gagn.

Ritað í rigningunni nýverið,

Jón Hermann Aðalsteinsson.