Norðlenska – Uppfærsla um 3% á verðskrá sauðfjár haustið 2017

Leiðréttingin kemur til greiðslu 15. febrúar

0
161
Sláturhús Norðlenska á Húsavík.

Þegar ákvörðun var tekin um verðskrá fyrir sauðfjárinnlegg haustið 2017 lá fyrir að ef betur færi varðandi afurðasölu en óttast var myndi verðskrá verða endurskoðuð í ljósi þess.  Einnig hefur legið fyrir að vegna þeirrar óvissu sem fylgir miklu birgðahaldi á sauðfjárafurðum er það vilji fyrirtækisins að uppfæra verðskrá einungis fyrir þann hluta innleggs sem hefur verið seldur á hverjum tíma. Frá þessu segir á vef Norðlenska

Sala Norðlenska á lambakjöti bæði innanlands og utan í lok árs 2017 er um fjórðungur af innleggi síðustu sláturtíðar og gefur afkoman tilefni til leiðréttingar á verðskrá um 3% af innleggi dilkakjöts haustið 2017.

Næsta endurskoðun verðskrár er fyrirhuguð í maí vegna sölu á fyrsta ársfjóðungi 2018.

Leiðréttingin kemur til greiðslu 15. febrúar.